ویمنز ٹی ٹونٹی ورلڈ کپ آج سے شروع ہو گا
لاہور(سپورٹس رپورٹر)انٹرنیشنل کرکٹ کونسل کے زیر اہتمام ویمنز ٹی ٹونٹی ورلڈ کپ کا آٹھواں ایڈیشن آج سے جنوبی افریقہ کے شہر کیپ ٹائون میں شروع ہوگا، آسٹریلوی ویمن ٹیم ٹائٹل کا دفاع کریگی،میگا ایونٹ میں 10ٹیمیں ٹائٹل کے حصول کیلئے پنجہ آزمائی کریں گی جن میں ٹی ٹونٹی ورلڈ کپ کوالیفائر کی فائنلسٹ ٹیمیں بنگلہ دیش اور آئرلینڈ بھی شامل ہوں گی، میگا ایونٹ کا افتتاحی میچ میزبان جنوبی افریقہ اور سری لنکا کے مابین کھیلا جائیگا۔ فائنل میچ 26فروری کو شیڈول جبکہ 27 فروری فائنل کا ریزرو ڈے ہوگا۔
