کھاریانوالہ+ شیخوپورہ (نمائندہ خصوصی) کھاریانوالہ بس سٹاپ پر تیزرفتار مسافر بس نے موٹرسائیکل سواروں کو کچل ڈالا۔ حادثہ کے نتیجہ میں 2خواتین موقع پر جاں بحق جبکہ دو افراد زخمی ہو گئے۔ ٹریفک حادثہ کی اطلاع ملتے ہی ریسکیو1122 کے اہلکاروں نے جاں بحق ہونے والی خواتین جن کی شناخت 50سالہ اللہ رکھی زوجہ الیاس، 45سالہ سکینہ بی بی زوجہ ایوب کی لاشیں بھکھی پولیس کی تحویل میں دے دی جبکہ 22سالہ سجاول اور50سالہ منیراں بی بی کوطبی امداد دیتے ہوئے ہسپتال منتقل کردیا گیا۔ ٹریفک پولیس اور بھکھی پولیس نے جی ٹی روڈ کی ٹریفک کو بحال کرکے کارروائی شروع کردی۔ تاہم بس ڈرائیور فرار ہونے میں کامیاب ہوگیا۔ پولیس مصروف تفتیش ہے۔