ڈاکٹر طاہر القادری کا امجد اسلام امجد کے انتقال پر اظہار افسوس
لاہور (خصوصی نامہ نگار) بانی و سرپرست تحریک منہاج القرآن شیخ الاسلام ڈاکٹر محمد ڈاکٹر طاہر القادری نے معروف‘ شاعر‘ ادیب اور ڈرامہ نویس امجد اسلام امجد کی رحلت پر دکھ اور افسوس کا اظہار کرتے ہوئے کہا ہے کہ امجد اسلام امجد کے انتقال سے ملک ایک ممتازشاعر اور ادیب سے محروم ہو گیا۔ امجد اسلام امجد کے انتقال سے درس و تدریس اور شعر و ادب کا ایک روشن خراج بجھ گیا۔ امجد اسلام امجد نے شاعری میں منفرد انداز اپنایا۔ انہوں نے بھرپور اور فعال ادبی زندگی گزاری۔ امجد اسلام امجد بہترین شاعر‘ مضمون نگار اور ڈرامہ نویس تھے۔ مرحوم نے ساری زندگی شعر و ادب کی خدمت میں گزاری۔ ڈاکٹر طاہر القادری نے کہا کہ اﷲ تعالیٰ امجد اسلام امجد کی بخشش و مغفرت فرمائے اور جملہ پسماندگان کو صبر جمیل کی توفیق دے۔
