شیخوپورہ (نمائندہ نوائے وقت) چیف ایگزیکٹو ایجوکیشن افسر شیخوپورہ چوہدری علی احمد سیان نے گورنمنٹ ایلیمنٹری سکول جھامکے کا وزٹ کیا جہاں ہیڈ ماسٹر عبدالمجید نعیم سمیت تمام سٹاف کو تدریسی امور میں مصروف عمل پایا سکول کی خوبصورت عمارت، سر سبز و شاداب مخملی گھاس سے مزین پلاٹ، انتہائی صاف ستھرے اور کشادہ صحن کو دیکھ کر صدر معلم کی دلچسپی اور صفائی پسندی کی تعریف و تحسین کی اور ادارے میں کھیل کے میدان میں شجر کاری مہم بھرپور انداز میں کرنے کی ہدایات جاری کیں طلباء کی تعلیم و تربیت کی سرگرمیوں کے فروغ کیلئے بھی سٹاف ممبروں کو ہدایات دیں ادارے کو احسن انداز میں چلانے کے لیے ڈپٹی ڈسٹرکٹ ایجوکیشن افسر رانا اشرف اور اسسٹنٹ ایجوکیشن افسر رانا عمر اعجاز کی بھی بھرپور توجہ اور محنت لگن اور ذوق و شوق کو بھی سراہا ۔