لاہور(سپورٹس رپورٹر)دفاعی چیمپئن واپڈا نے اپنے اعزاز کا دفاع کرتے ہوئے آرمی کو شکست دے کر ویمن نیشنل والی بال چیمپئن شپ  جیت لی۔ فائنل میں واپڈا کی ٹیم نے آرمی کو ایک کے مقابلہ میں تین سیٹ سے ہرایا۔وزیر اعظم کی معاون خصوصی برائے یوتھ افیئرز شزہ فاطمہ خواجہ اختتامی تقریب میں مہمانِ خصوصی تھیں۔ اْنہوں نے فاتح ٹیم کو ٹرافی دی۔ مہمانِ خصوصی نے چیمپئن شپ میں پہلی، دوسری اور تیسری پوزیشن حاصل کرنے والی ٹیموں کے کھلاڑیوں اور آفیشلزمیں میڈلز بھی تقسیم کئے۔پانچ روز تک جاری رہنے والی ویمنزنیشنل والی بال چیمپئن شپ کا انعقاد پاکستان والی بال فیڈریشن کے زیر اہتمام اسلام آباد میں کیا گیا۔