شیخوپورہ (نمائندہ خصوصی) نامور شاعر ڈرامہ نگار ادیب امجد اسلام امجد کے انتقال پر افسوس کا اظہار کرتے ہوئے پی ٹی آئی این کے چیئر مین اختر اقبال ڈار نے کہا ہے کہ امجدا سلام امجد کی وفات سے ادبی دنیا میں بڑا خلا پیدا ہو گیا ہے جسے پر کرنا ناممکن ہو گا انہوں نے کہاکہ ان کی شاعری اور ڈرامہ نگاری ثقافت ،معاشرتی تلخیوں اور انسانی زندگی کے حقیقی پہلوئوں کا احاطہ کرتی تھی ادب شاعر ی سے لگائو رکھنے والے نوجوانوں کو چاہئے کہ وہ امجد اسلام امجد کے نقش قدم پر چل کر اپنا مقا م پیدا کریں شاعری سے معاشرے میں بڑھتی ہوئی تلخی بدتہذیبی اور عدم برداشت کو ختم کیا جا سکتا ہے اختر ڈار نے کہا کہ اللہ تعالیٰ امجد اسلام امجد کی اگلی منزلیں آسان کرے اور ان کے لواحقین کوصبر جمیل عطا کرے ان خیالات کا اظہار انہوں نے صحافیوں سے گفتگو کرتے کیا ۔