آج ٹاؤن شپ لاہور میں ترکیہ ، شام کے حالات ، امداد کیلئے تقریب ہوگی
لاہور (خصوصی نامہ نگار) ترکیہ اور شام میں ہولناک زلزلہ سے خوفناک تباہی اور بڑی تعداد میں لوگوں کے شہید و زخمی ہونے اور وہاں کی تازہ ترین صورت حال کے حوالہ سے عالمی رفاہی تنظیم خبیب فاؤنڈیشن کے چیئرمین ندیم احمد خان آج نماز عصر شام ساڑھے 4بجے ’’کوآپریٹو ہاؤسنگ سوسائٹی‘‘ انبالہ ہاؤس، مین پیکو روڈ ٹاؤن شپ لاہور میں الکہف ٹرسٹ کے چیئرمین پیر حافظ محمد ابراہیم نقشبندی کی زیر صدارت تقریب سے خصوصی خطاب کرتے ہوئے ترکیہ اور شام میں زلزلہ کی تباہ کاریوں، شہادتو ں، نقصانات،مظلوم مسلمانوں کی حالت زار اور ان کی امداد کے حوالہ سے خصوصی گفتگو کریں گے۔ تقریب میں خواتین کیلئے باپردہ شرکت کا اہتمام ہے۔
