لاہور(سپورٹس رپورٹر)ایچیسن ہاکی گراؤنڈ میں 53ویں سالانہ جعفر میموریل ٹورنامنٹ کے چھٹے روز آخری تین گروپ میچ کھیلے گئے۔ گورنمنٹ ہائی سکول ٹھینگ شاہ نے گورنمنٹ زمیندار ہائی سکول گجرات کو پانچ صفر سے پچھاڑ دیا۔ گورنمنٹ اقبال ہائی سکول سرگودھا نے گورنمنٹ ہائی سکول صفدر آباد کو دو ایک سے شکست دیدی۔ قائداعظم اکیڈمی نے گورنمنٹ ہائی سکول نارووال کو ایک صفر سے آؤٹ کلاس کیا ۔ تینوں فاتح ٹیموں نے کوارٹر فائنل میں سیٹ پکی کر لی۔ آج چاروں کوارٹر فائنلز کھیلے جائیں گے۔ ایچیسن کالج کا کیمپس بوائز کے درمیان مقابلہ ہو گا۔ ایچیسن کالج ییلو اور نور گرائمر سکول ‘ڈی پی ایس ماڈل ٹاؤن لاہور اور گورنمنٹ ہائی سکول ڈھینگ شاہ جبکہ قائد اعظم اکیڈمی اور گورنمنٹ ہائی سکول سرگودھا مد مقابل ہونگے ۔