لاہور (سپورٹس رپورٹر) لاہور پولو کلب کے زیراہتمام سنچری 99 پنجاب کپ پولو ٹورنامنٹ کا فائنل ٹیم ایف جی پولو نے جیت لیا۔ فائنل میں نیوایج کیبلز /ماسٹر پینٹس کی ٹیم کو 6-4 سے شکست کا سامنا کرنا پڑا۔ فائنل میچ ایف جی پولو اور نیوایج کیبلز /ماسٹر پینٹس کے درمیان زبردست میچ رہا۔ ایف جی پولو کی طرف سے راول لیپ لاسیٹ نے چار گول کیے۔ نیوایج کیبلز /ماسٹر پینٹس کی طرف سے صائمن پراڈا نے تین گول کئے۔ سب سڈری فائنل میچ میں ماسٹر پینٹس کی ٹیم نے ری ماؤنٹس کی ٹیم کو 7-5 سے شکست دیدی۔