فیروز والہ: ٹریفک حادثات‘2نوجوان ہلاک ‘3افراد زخمی
فیروزوالہ (نامہ نگار) ٹریفک کے مختلف حادثات میں دو نوجوان ہلاک اور تین افراد زخمی ہو گئے۔ شرقپور روڈ پر تیز رفتار ٹریکٹر ٹرالی کی زد میں آکر نوجوان سکیورٹی گارڈ اشفاق احمد جان بحق ہوگیا ‘حادثہ کے بعد ڈرائیور فرار ہوگیا۔ پولیس نے متوفی کی نعش قبضہ میں لے کر مقدمہ درج کرلیا ۔متوفی رحیم یار خان کا رہنے والا تھا ۔ایک فیکٹری میں بطورسکیورٹی گارڈ کام کر رہا تھا۔ لاہور روڈ پر تیز رفتار گاڑی کی ٹکر لگنے سے نوجوان زاہد جاں بحق ہو گیا۔ پولیس نے واقعہ کی رپورٹ درج کر لی ۔جی ٹی روڈ پر تیز رفتار رکشہ الٹنے سے 3افراد زخمی ہوگئے۔
