لاہور(سپورٹس رپورٹر)پاکستان بلائنڈ کرکٹ کونسل نے 17 کھلاڑیوں کو 6 ماہ کا سنٹرل کنٹریکٹ دینے کا اعلان کردیا۔اے کیٹیگری کے بدر منیر اور مطیع اللہ کو ماہانہ 20 ہزار روپے، بی کیٹیگری میں نثار علی، معین اسلم، محسن خان اور فیصل محمود کو 17 ہزار روپے جبکہ سی کیٹیگری کے گیارہ کرکٹرز کو ماہانہ 15 ہزار ادا کیے جائیں گے۔ترجمان بلائند کرکٹ کونسل کے مطابق سنٹرل کنٹریکٹ کیلئے کھلاڑیوں کا انتخاب ان کی پرفارمنس کو سامنے رکھ کر کیا گیا ہے۔واضح رہے کہ کنٹریکٹ کا اطلاق یکم جنوری سے 30 جون تک ہوگا۔