کراچی (سٹاف رپورٹر) کراچی پولیس آفس پر حملے کے بعد لاہور قلندرز اور کوئٹہ گلیڈی ایٹرز کی ہوٹل روانگی تاخیر کا شکار ہوگئی۔ ٹیموں کو کلیئرنس ملنے کے بعد اسٹیڈیم سے روانہ کیا گیا۔ قبل ازیں کوئٹہ گلیڈی ایٹرزاور لاہور قلندر کی پریکٹس ختم کروادی گئی اور کرکٹ ٹیموں کو نیشنل سٹیڈیم میں ہی روک لیا گیاتھا۔پاکستان کرکٹ بورڈاور پاکستان سپر لیگ کی فرنچائز زکے مالکان نے اس بات پر اتفاق کیا ہے کہ پی ایس ایل 8 کے میچز شیڈول کے مطابق جاری رہیں گے۔آج کراچی کنگز اور کوئٹہ گلیڈی ایٹرز کے درمیان ہونے والا میچ بھی وقت پر شروع ہوگا۔