اسلا م آباد (خصوصی نامہ نگار) وزیر خارجہ بلاول بھٹو زرداری کی اپنی جرمن ہم منصب اینالینا بئیربوک سے ملاقات ہوئی۔ ترجمان دفتر خارجہ کے مطابق ملاقات کے دوران وزیر خارجہ کی جانب سے جرمن حکومت کے لئے اظہار تشکرکیا گیا۔ وزیر خارجہ بلاول بھٹو زرداری نے کہا کہ سیلاب زدگان کی بروقت اور بھرپور مدد پر جرمنی کے شکر گزار ہیں۔ دونوں ممالک کا توانائی، تجارت، ھنرمند افراد کی نقل و حمل، تحفظ خوراک اور ماحولیاتی تبدیلی کے شعبوں میں تعاون بڑھانے پر اتفاق ہوا۔ دریںا ثناء وزیر خارجہ بلاول بھٹو زرداری کی اپنے کویتی ہم منصب سلیم عبداللہ الجابر الثانی سے ملاقات ہوئی۔ ترجمان دفتر خارجہ کے مطابق دونوں وزراء خارجہ کا  معیشت سمیت دو طرفہ تعاون بڑھانے پر اتفاق ہوا۔ کویت کے ساتھ سفارتی تعلقات کے 60برس مکمل ہونے کے موقع پر یادگاری تقریبات کے حوالے سے تبادلہ خیال ہوا۔