لاہور (نمائندہ خصوصی) لاہور میں وارداتوں کے دوران متعدد  شہری لاکھوں روپے‘ زیورات اور قیمتی سامان سے محروم کر دیئے گئے۔ لوئر مال میں خالد کے گودام کے تالے توڑ کر 56لاکھ 40 ہزار چار سو روپے کی پرنٹنگ پلیٹس چوری کر کر لی گئیں۔ کاہنہ میں ڈاکو پھل اور سزی فروش سے اسلحہ کے زور پر پچاس ہزار اور موبائل فون، ساندہ میں عزیز سے گن پوائنٹ پر 45 ہزار اور موبائل فون ، گارڈن ٹاون میں شعیب سے گن پوائنٹ پر 22 ہزار اور موبائل فون، ہربنس پورہ میں فاروق سے گن پوائنٹ پر60 ہزار اور موبائل فون‘  ساندہ میں عبدالودود، کاہنہ میں جاوید عمر اور لوئر مال میں طلال بٹ سے موٹرسائیکلیں اور نقدی لوٹ کر فرار ہو گئے، غالب مارکیٹ،لاری اڈہ، مسلم ٹاون، چوہنگ، ڈیفنس، جنوبی چھاونی، ماڈل ٹاون، ملت پارک سے کاریں اور نیو انارکلی، سمن آباد، بھاٹی گیٹ، لوئر مال، جوہر ٹاون، مزنگ، ہنجروال،لیاقت آباد سے موٹرسائیکلیں چوری ہوگئیں۔