فیروزوالہ( نامہ نگار) ڈکیتی، چوری اوررہزنی کی متعدد وارداتوں کے دوران ڈاکوؤں کی لوٹ مار ڈاکوؤں نے لاکھوں روپے مالیت کے زیورات، نقدی دیگر قیمتی سامان لوٹ لیا مزاحمت پر دو افراد کو زخمی کردیاتھا۔ رانا ٹاؤن کے قریب ڈاکوو ں نے کار سوار فیملی سے طلائی زیورات ،نقدی اور موبائل چھین کر لے گئے۔ رچنا ٹاون میں ڈاکو خرم شہزاد کی والدہ سے ایک لاکھ 75 ہزار روپے کی رقم چھین کر لے گئے ۔ خان پور کے قریب ڈاکوؤں نے فیکٹری میں داخل ہو کر لاکھوں روپے مالیت کا سامان لوٹ لیا۔ کوٹ عبدالمالک کے قریب ڈاکووں نے  امجد حسین ،اسلم اور شہباز سے ایک لاکھ بیس ہزار روپے اور 4 موبائل چھین لئے۔ دن دیہاڑے 2 موٹرسائیکل سوار ڈاکو کریانہ کی دکان میں گھس کر1لاکھ سے زائد نقدی چھین کرفرار ہوگئے۔ہاوسنگ کالونی بنک کے قریب جعفر نامی تاجر سے 2ڈاکو نقدی موبائل چھین کرلے گئے،فیروز والہ سٹاپ پر ڈاکو عثمان سے نقدی اور موبائل چھین کر لے گئے۔ تھانہ صدر کے علاقہ کالو کی میں ڈاکووں نے چار گھروں میں داخل ہو کر لاکھوں روپے مالیت  زیورات نقدی دیگر قیمتی سامان لوٹ لیا۔ مزاحمت پر ڈاکوؤں نے دو افراد کو زخمی کردیا ڈاکو فرار ہو گئے۔