کراچی میں نصف قیمت والے ٹکٹ آن لائن فروخت نہیں ہونگے
لاہور(سپورٹس رپورٹر) پی ایس ایل سیزن 8 کے لیے کراچی میں شیڈول میچز کیلئے آدھی قیمت والے ٹکٹ آن لائن فروخت نہیں کیے جائیں گے۔ نیشنل سٹیڈیم کراچی میں کھیلے جانے والے پی ایس ایل 8 کے میچز کے نصف قیمت والے ٹکٹس کی فروخت کیلئے شہر کے تین مقامات پر پوائنٹس بنائے گئے ہیں۔نصف قیمت والے ٹکٹس اصغر علی شاہ سٹیڈیم، پی ڈی اے اے آفس جوہر موڑ اور چائنا گراؤنڈ میں دستیاب ہونگے۔ پی ایس ایل میچز دیکھنے کے 18 برس سے کم عمر شائقین کو ذاتی طور پر جا کر ٹکٹ خریدنا ہوگا اور ٹکٹ خریدنے کیلئے ب فارم دکھانا بھی لازمی ہوگا۔
