اسلام آباد(این این آئی)سعودی عرب نے کہا ہے کہ دہشت گردی کے خلاف برادر اسلامی ملک پاکستان کے ساتھ کھڑے ہیں۔سعودی  سفارت خانے کی جانب سے جمعے کو کراچی پولیس آفس پر دہشت گروں کے حملے کی شدید مذمت کی گئی ۔سعودی سفارت خانے نے اپنے بیان میں کہاکہ شہید اہلکاروں کے لواحقین سے تعزیت اور زخمیوں کی جلد صحت یابی کے لیے دعاگو ہیں۔واضح رہے کہ جمعے کی شب کراچی پولیس آفس پر ہونے والے حملے میں تمام دہشت گرد مارے گئے تھے جبکہ پولیس اور رینجرز اہلکار سمیت 4 افراد شہید اور 18 زخمی ہوئے تھے۔