لاہور (نامہ نگار) لاہور کے مختلف علاقوں میں ڈاکوئوں اور چوروں نے متعدد شہریوں سے لاکھوں روپے‘ زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے گارڈن ٹاؤن کے علاقے میں سلیم کے گھر گھس کر اہلخانہ کو یرغمال بنا کر5 لاکھ 35 ہزار ‘  زیورات، موبائل فون اور دیگر سامان، بادامی باغ میں جمیل اور اس کی فیملی سے 4لاکھ 5ہزار ‘ زیورات اورموبائل فون، بادامی باغ میں عمرارشد سے 2لاکھ اور موبائل فون، مغلپورہ میں نسیم عباس سے ڈیڑھ لاکھ اور موبائل فون، چوہنگ میں محسن رضا سے موٹرسائیکل، ہزاروں روپے اور موبائل فون، سندر میں صدیق سے موٹرسائیکل اور موبائل فون، کاہنہ  میں اسلم سے موٹرسائیکل ،ہنجروال میں عامر سے 58ہزار اور موبائل فون، نواب ٹاؤن میں خضرحیات سے 49ہزار اور موبائل فون، مصری شاہ میں رقیب سے 26 ہزار اور موبائل فون،کوٹ لکھپت میں عبداللہ کی دکان سے 25 ہزار اور موبائل فون، اسلام پورہ میں جنید الرحمن سے 23ہزار 8 سو اور موبائل فون،قائد اعظم انڈسٹریل اسٹیٹ میں راشد سے 18ہزار3سو لوٹ لئے۔ چوروں نے ستوکتلہ میں انجم کے گھرکے تالے توڑ کر 3لاکھ 90ہزار، زیورات ودیگر سامان‘ شادباغ، کاہنہ،رائے ونڈ، نصیرآباد سے4 کاریں جبکہ گلشن راوی،اقبال ٹاؤن، ساندہ،شاہدرہ، کوٹ لکھپت ،اچھرہ،نشتر کالونی، گلبرگ، شمالی چھاؤنی اور گارڈن ٹاؤن سے10 موٹر سائیکلیں چوری کر لی ہیں۔