لاہور+ اسلام آباد (خصوصی  نامہ نگار+نمائندہ نوائے وقت ) شعبان کا چاند دیکھنے کے لیے مرکزی رویت ہلال کمیٹی کا اجلاس(آج) منگل کی  شام طلب کر لیا گیا۔ چیئرمین مولانا عبدالخبیر آزاد کی زیر صدارت رویت ہلال کمیٹی کا اجلاس  (آج) منگل کی  شام اسلام آباد میں ہوگا، جس میں شعبان کا چاند دیکھا جائے گا۔ واضح رہے کہ پیر کو  رجب کی 28 تاریخ  تھی  جبکہ ہفتے اور اتوار کی درمیانی رات کو ملک بھر میں شب معراج عقیدت و احترام سے منائی گئی۔