اسلام آباد (خبرنگار خصوصی) ریئر ایڈمرل محمد فیصل عباسی نے کراچی میں  تبدیلی کمانڈ کی تقریب کے دوران بطور کمانڈر پاکستان فلیٹ کمان سنبھال لی۔ تقریب میں وائس ایڈمرل اویس احمد بلگرامی نے نئے آنے والے کمانڈر پاکستان فلیٹ کو کمان سونپی۔ رئیر ایڈمرل محمد فیصل عباسی پاکستان نیوی وار کالج لاہور اور نیشنل ڈیفنس یونیورسٹی اسلام آباد کے گریجویٹ ہیں۔ اور متعدد کمانڈ اینڈ سٹاف عہدوں کا وسیع تجربہ رکھتے ہیں۔ ان کی شاندار خدمات کے اعتراف میں حکومت پاکستان کی طرف سے انہیں ستارہ امتیاز (ملٹری) اور ہلال امتیاز (ملٹری) سے نوازا جا چکا ہے۔