لاہور(سپورٹس رپورٹر)ایس پی ہیڈکوارٹرز لاہورمحمدعبداللہ لک کی زیرنگرانی لاہور پولیس سپورٹس ونگ کے زیر اہتمام کبڈی ،کرکٹ ، باکسنگ، والی بال ، باڈی بلڈنگ اور بیڈ منٹن کے مقابلے جاری ہیں۔باکسنگ کے مقابلوں میں پولیس لائنز ، ایلیٹ فورس، ڈولفن سکواڈاور سی آئی اے لاہور کی ٹیموں نے حصہ لیا۔ پولیس لائنز کی ٹیم 07گولڈ میڈل جیت کر پہلے نمبر ،ایلیٹ 06 سلور میڈل کے ساتھ دوسرے جبکہ ڈولفن سکواڈ ایک سلور میڈل کے ساتھ تیسرے نمبر پر رہی۔لاہور پولیس سپورٹس ونگ کی ٹیم پہلے جبکہ اے آر ایف کی ٹیم نے دوسری پوزیشن حاصل کی۔ کرکٹ میچز کے مقابلوں میں سٹی ٹریفک پولیس نے پولیس ریسپانس یونٹ اور لاہور ریجن نے اینٹی رائٹ فورس کو شکست دی۔