ترکیہ: زلزلے کے 17 روز بعد ملبے سے 8 بھیڑیں زندہ نکال لی گئیں
انقرہ (نیٹ نیوز) ترکیہ میں آئے خوفناک زلزلے کو 17 روز گزرنے کے باوجود ملبے تلے دبی 8 بھیڑوں کو معجزاتی طور پر زندہ نکال لیا گیا۔ ترک میڈیا پر بھیڑوں کو عمارت کے ملبے سے زندہ نکالنے کی ویڈیو شیئر کی گئی ہے۔ جس میں ریسکیو اہلکار ملبہ توڑتے ہوئے بھیڑوں کو نکال رہے ہیں۔ بغیر اناج اور بغیر پانی ملبے سے زندہ نکلنے والی بھیڑوں کی ویڈیو ترکیہ کے شہر ہاطے اور غازی انتیپ کی ہے جس میں ملبے سے نکلتے ہی کچھ بھیڑوں نے بھاگنا شروع کر دیا۔
