گجرات پولیس کو مطلوب اشتہاری یونان سے گرفتار‘ لاہور منتقل
اسلام آباد‘ لاہور (اپنے سٹاف رپورٹر سے+ نامہ نگار)پنجاب پولیس کی ٹیم گزشتہ پانچ روز کے دوران پانچویں خطرناک اشتہاری ملزم کو بیرون ملک سے گرفتار کر کے لاہور ائیرپورٹ لے آئی۔ خطرناک شوٹر اور اشتہاری ملزم خلیل خان کو یونان سے گرفتار کر کے لایا گیا۔ ملزم خلیل خان گجرات کے دو تھانوں کی پولیس کو قتل، اقدام قتل سمیت دیگر سنگین وارداتوں میں مطلوب تھا۔
