میانوالی (نامہ نگار) میانوالی کے علاقہ چاندی والہ موضع کوٹکی بیرونی (نواں شہر) یو سی چاپری کا جوان چمن بازار میں دوران ڈیوٹی اپنے ساتھی سمیت دہشت گردوں کی فائرنگ سے شہید ہو گیا۔ دہشت گردوں نے  ڈیوٹی سرانجام دینے والے صادقین اور اس کے ساتھی کو شہید کردیا۔ شہید نوجوانوں کا تعلق چمن سکائوٹس، فرنٹیئر کور سے ہے۔ شہید نے ورثا میں بوڑھے والدین ‘ بیوہ‘ آٹھ سالہ بیٹے عبداللہ، چار سالہ بیٹی دعا فاطمہ اور چار ماہ کی بیٹی سارہ کو چھوڑا ہے۔ شہید کی نماز جنازہ آج آبائی علاقہ چاپری (میانوالی) میں ادا کی جائے گی۔