لاہور(سپورٹس رپورٹر)پاکستان سپر لیگ کی دفاعی چیمپئن لاہور قلندر نے اگلے میچ کیلئے ہوم گرائونڈ پر تیاریوں کا آغاز کردیا۔قذافی سٹیڈیم میں لاہور قلندرز کے کھلاڑیوں نے پہلے فزیکل ٹریننگ کی پھر جم کر نیٹ پریکٹس کی۔کپتان شاہین شاہ آفریدی، حارث رئوف، راشد خان، فخر زمان، طاہر بیگ سمیت تمام ہی کھلاڑیوں نے ٹریننگ میں حصہ لیا۔قذافی سٹیڈیم میں میڈیا سے گفتگو میں نوجوان بیٹر طاہر بیگ نے کہا کہ کوچز کافی اعتماد دے رہے ہیں، شاہین آفریدی سمیت دیگر کھلاڑیوں سے بہت کچھ سیکھنے کا موقع مل رہا ہے۔پشاور زلمی کا سکواڈ بھی لاہور پہنچ گیا ہے ۔ کھلاڑی آج سے ٹریننگ سیشن کریں گے۔