نوشہرہ ورکاں، پھلروان چوک (نامہ نگاران) ٹرالر کی ٹکر سے موٹر سائیکل سوار دو نوجوان جاں بحق، صفدر آباد میں 3افراد مارے گئے۔ بتایا گیا ہے کہ گوجرانوالہ شیخوپورہ روڈ پر مرالی والاچوک میں تیز رفتار ٹرالر نے دو موٹر سائیکل سوار دوستوں اٹھارہ سالہ زین اور انیس سالہ احمد کو ٹکر مار دی۔ ریسکیو  1122 ٹیم موقع پر پہنچی لیکن طبی امداد سے قبل ہی دونوں نوجوان جاں بحق ہوگئے۔ پولیس کے مطابق صفدرآباد کے نواحی علاقہ سرگودھا روڈ مریم آباد کے قریب تیز رفتار موٹر سائیکل سامنے سے آتی ہوئی گنے سے لوڈ ٹریکٹر ٹرالی سے ٹکرا گئی جس کے نتیجے میں موٹر سائکل پر سوار 4 افراد میں سے 2 سالہ ایان سمیت 60 سالہ رشیدہ بی بی اور 65 سالہ رفیق موقع پر جاں بحق ہو گئے جبکہ حادثہ میں 17 سالہ عنادل نامی لڑکی زخمی ہوئی جس کو ریسکیو 1122 کی طرف سے ابتدائی طبی امداد کے بعد شیخوپورہ ریفر کر دیا گیا۔ موٹر سائیکل سوار خاندان حافظ آباد سے ننکانہ صاحب جا رہا تھا۔