خوشاب :دیرینہ دشمنی پر فائرنگ سے 3افراد قتل
سرگودھا‘ لاہور (نمائندہ خصوصی + نامہ نگار) دیرینہ دشمنی پر شیر والی میں فائرنگ سے 3 افراد جاں بحق ہو گئے‘ مقتولین کی نعشیں تحویل میں لیکر پولیس نے پوسٹمارٹم کے لئے ہسپتال منتقل کر دیں۔ آئی جی پنجاب نے نوٹس لیتے ہوئے آر پی او سے رپورٹ طلب کر لی۔ ذرائع کے مطابق سرگودھا ریجن کے علاقہ خوشاب کے گاؤں شیر والی میں دیرینہ دشمنی پر فائرنگ سے تین افراد جانبحق ہو گئے۔ پولیس نے مقتولین کی نعشیں تحویل میں لیکر پوسٹمارٹم کے لئے ہسپتال منتقل کر دیں اور جائے وقوعہ سے شواہد اکٹھے کرتے ہوئے مصروف تفتیش ہے۔ آئی جی پنجاب پولیس ڈاکٹر عثمان انور نے تہرے قتل کی واردات کا نوٹس لیتے ہوئے آر پی او سرگودھا شارق کمال صدیقی سے رپورٹ طلب کر لی اور ملزمان کی فوری گرفتاری اور مقتولین کے ورثاء کو فراہمی انصاف کا حکم دے دیا۔
