لاہور(سپورٹس رپورٹر)پاکستان ہاکی فیڈریشن کے سیکرٹری جنرل حیدر حسین سے سابق انٹرنیشنل ہاکی پلیئر لیاقت عمران نے انکے پی ایچ ایف لاہور ہیڈ کوارٹر آفس میں ملاقات کی۔ انٹرنیشنل لیاقت عمران جو کہ ان دنوں امریکہ مقیم ہیں پاکستان کے دورے پر ہیں۔اس موقع پر اولمپیئن طارق عمران‘ اولمپیئن محمد عرفان‘ انٹر نیشنل خاور جاوید‘ قومی ٹیم کے ڈریگ فلیکر کوچ رانا زبیر اور لیاقت انٹرنیشنل بھی موجود تھے۔ انٹرنیشنل لیاقت عمران نے پی ایچ ایف جنرل سیکرٹری حیدر حسین کو بحیثیت پی ایچ ایف سیکرٹری جنرل کا عہدہ سنبھالنے پر مبارکباد دی اور نیک خواہشات کا اظہار کرتے ہوئے کہا کہ لاہور قلندر اور پی ایچ ایف ملکر ٹیلنٹ ہنٹ کے پروگرام کا جو آغاز کیا ہے اس سے نیا ٹیلنٹ سامنے آئے گا۔پاکستان ہاکی کے مستقبل کیلئے خوش آئند ثابت ہوگا۔ حیدر حسین نے انکی پی ایچ ایف آمد پر شکریہ ادا کیا اور پی ایچ ایف اور لاہور قلندر کی جانب سے سوینئر پیش کیا۔