لاہور (نامہ نگار) پی ایس ایل کرکٹ میچ کے باعث مختلف شاہراہوں پر بدترین ٹریفک جام رہا۔ گاڑیوں کی لمبی قطاریں لگ گئیں۔ ٹیموں کی سٹیڈیم آمد کے بعد بھی ٹریفک کنٹرول نہیں ہو سکی اور ٹیموں کی روانگی کے بعد بھی کئی گھنٹے متاثر رہی۔ فیروز پور روڈ ،گلبرک مین بلیووارڈ، مسلم ٹائون موڑ، وحدت روڈ، کینال روڈ، جیل روڈ اور دیگر ملحقہ سڑکوں پر ٹریفک بری طرح متاثرہوئی۔ پی ایس ایل میچ کے دوران ناقص منصوبہ بندی اور سٹیڈیم کے ارد گرد سڑکیں بند کرنے سے شہری ان علاقوں میں سفر کرنے سے مفلوج ہو کر رہ گئے ہیں۔ ٹریفک ترجمان کے مطابق مجموعی طور پر ایک ہزار سے زائد ٹریفک اہلکار روٹ ڈیوٹی سرانجام دے رہے ہیں جبکہ غلط پارکنگ کے خاتمے کے لئے 20 فورک لفٹرز، 3 بریک ڈاؤنز بھی تعینات ہیں۔
پی ایس ایل/ ٹریفک