ملتان+ لاہور(خبرنگاخصوصی ،کامرس رپورٹر)  ملتان کی بستی داد انٹر چینچ کے قریب نجی فلور ملز کے سیلز مین کیساتھ دن دھاڑے ڈکیتی مزاحمت پر نامعلوم ڈاکوؤں کی اندھا دھند فائرنگ سیلز مین قتل دوسرا شدید زخمی ہو گیا ۔ نجی فلورملز کے سیلز مین آٹا فروخت کرکے واپس جارہے تھے کہ بستی داد انٹر چینچ کے قریب نامعلوم ڈاکوؤں نے ڈکیتی کی کوشش کی سیلز مین اﷲ وسایا نے مزاحمت کی تو نامعلوم ڈاکوؤں نے سیلز مین پر اندھا دھند فائرنگ کرکے اسے قتل کردیا جبکہ اس کو دوسر ا ساتھی الطاف فائرنگ سے شدید زخمی ہوگیا ۔سیلزمین کے قتل پر فلور ملز ایسوسی ایشن نے آج ہڑتال کی دھمکی دی۔ رات گئے  ڈی سی ملتان سے مذکرات کے بعد فلور ملز ایسوسی ایشن کے رہنما لیاقت علی نے کہا ڈی سی کی سکیورٹی دینے کی یقین دہانی پر آج آٹے کی سپلائی بحال رکھیں گے۔قبل ازیںپاکستان فلور ملز ایسوسی ایشن نے ملتان میں  ٹرکنگ پوائنٹ پرفلور مل کے کیشیئر سے سوا تین لاکھ روپے کی ڈکیتی کر کے قتل کئے جانے کی شدید مذمت کرتے ہوئے  آج(پیر )سے ملتان میں ٹرکنگ پوائنٹس پر سرکاری آٹا کی سپلائی اور فروخت بند کرنے کا اعلان کیا  تھا۔
 سیلزمین قتل