لاہور ( سپیشل کارسپانڈنٹ)پاکستان چین فاؤنڈیشن کے وفد نے لاہور چیمبر آف کامرس اینڈ انڈسٹری کے صدر کاشف انور و سیکرٹری شاہد خلیل سے ملاقات اور باہمی دلچسپی کے امور پر تبادلہ خیال کیا۔ صدر لاہور چیمبر کاشف انور نے وفد کو ویلکم کیا اور کہا کہ جب بھی ضرورت ہوئی فاؤنڈیشن کو لاہور چیمبر کی خدمت حاصل ہوں گی۔ فاؤنڈیشن کے بانی چیئرمین ندیم اے شیخ ، وائس چیئرمین آصف ہارون ، جنرل سیکرٹری محمد قاسم ، ممتاز سماجی رہنما فیصل ندیم ، لیڈر آف مینارٹی شکیل صدیق اور نوائے وقت کے صحافی خاور عباس سندھو شامل تھے۔ صدر لاہور چیمبر کاشف انور نے آصف ہارون اور فیصل ندیم کو گولڈ میڈل پہنائے جبکہ لاہور چیمبر کی طرف سے تحائف دئیے گئے۔ دوسری جانب چیئرمین ندیم اے شیخ نے وفد کے ہمراہ صدر لاہور چیمبر کو گولڈ میڈل ، سندھی ٹوپی اور اجرک کو تحفہ دیا۔