لاہور(سپورٹس رپورٹر)پاکستان ٹیم کے لیگ سپنر یاسر شاہ نے کہا ہے کہ بطور کپتان سرفراز احمد بہت شور کرتے تھے۔ میں نے جتنی بھی کرکٹ کھیلی ہے اس دوران میں سرفراز، مصباح اور بابر اعظم کی کپتانی میں کھیلا ہوں، محمد حفیظ کی کپتانی میں انٹرنیشنل کے بجائے ڈومیسٹک کرکٹ کھیلی ہے۔ ہر کپتان کی اپنی حکمت عملی ہوتی ہے، سرفراز بطور کپتان چیختا بہت تھا جبکہ مصباح الحق بہت کْول نیچر کے ہیں وہ بطور کپتان کسی کو کچھ نہیں کہتے تھے اس کے بجائے وہ صرف کھلاڑیوں کو اپنا پلان دیتے تھے۔موجود ہ کپتان بابر اعظم سے متعلق بات کرتے ہوئے یاسر شاہ کا کہنا تھا کہ بابر اعظم شور نہیں کرتا لیکن بابرکپتان کے طور پر جارحانہ ہے کیونکہ ہرکپتان کا انداز مختلف ہوتا ہے۔