لاہور(سپورٹس رپورٹر) کوئٹہ گلیڈی ایٹرز کے فاسٹ بائولر محمد حسنین نے کہا ہے کہ ایونٹ اب تک میرے لیے بہت اچھا جارہا ہے۔ میرے لیے پی ایس ایل بہت اہم ہے اور اب تک میرے لیے لیگ اچھی جا رہی ہے۔ میں اپنی طرف سے لیگ میں اچھی پرفارمنس کیلئے بہت کوشش کر رہا ہوں، ہمارا پہلا راؤنڈ بہت خراب گیا ہے، ایسے میں بہت مشکل کا سامنا کرنا پڑتا ہے۔ یہ ہماری ٹیم کیلئے بہت محنت کرنے والا ٹائم ہے، ابھی ہمارے 5 میچز باقی ہیں کوشش کریں گے کہ جیتیں اور کم بیک کریں۔ فاسٹ بائولنگ کے شعبے میں بہت مقابلہ ہے، پی ایس ایل میں ہمیشہ مقابلے کی فضا رہتی ہے۔ایمرجنگ بولر بھی 140 کی سپیڈ سے بائولنگ کر رہے ہیں، جب میں آیا تھا تب میں بھی اسی سپیڈ سے کرتا تھا جو کہ اچھی بات ہے۔