لاہور(کامرس رپورٹر)پاکستان سپرلیگ (پی ایس ایل) کے شائقین کو سہولت فراہم کرنے کیلئے نیشنل لاجسٹکس سیل (این ایل سی) نے زیر تعمیر کلمہ چوک انڈر پاس کی 5 میں سے 3 لین کی تعمیر مکمل کرکے انہیں جزوی طور پر ٹریفک کیلئے کھول دیا ہے۔ منصوبے کی تکمیل کی تاریخ جون 2023 ہے تاہم حکومت پنجاب کی ہدایات میں این ایل سی نے منصوبے پر دن رات کام رکھا تاکہ بڑے ٹورنامنٹ سے پہلے کرکٹ کے شائقین کو سہولت فراہم کی جاسکے۔ اس ضمن میں 3 لین پر کام 2 ماہ کی قلیل مدت میں مکمل کیا گیا۔ منصوبے پر بقیہ کام زور و شور سے جاری ہے اور کسی بھی غیر متوقع حادثہ سے بچنے کیلئے این ایل سی نے مسافروں سے ٹریفک قوانین پر سختی سے عمل درآمد اور حد رفتار کی پاسداری کی اپیل کی ہے۔