کراچی (سٹاف رپورٹر) ریئر ایڈمرل محمد سلیم نے کراچی میں منعقدہ تبدیلی کمانڈ کی تقریب کے دوران بطور کمانڈر کراچی کمان سنبھال لی۔ تقریب میں ریئر ایڈمرل میاں ذاکر اللہ جان نے نئے آنے والے کمانڈر کراچی کو کمان سونپی۔جس کے بعد تقریب میں نئے تعینات ہونے والے کمانڈر کراچی کو گارڈ آف آنر پیش کیا گیا ریئر ایڈمرل محمد سلیم پاکستان نیوی وار کالج لاہور اور نیشنل ڈیفنس یونیورسٹی اسلام آباد کے گریجویٹ ہیں۔ وہ ایک شاندار کیرئیر کے حامل ہیں اور متعدد کمانڈ اینڈ اسٹاف عہدوں کا وسیع تجربہ رکھتے ہیں۔ ان کی شاندار خدمات کے اعتراف میں حکومت پاکستان کی جانب سے ہلال امتیاز (ملٹری)سے نوازا جا چکا ہے ۔تبدیلی کمان کی تقریب میں پاک بحریہ کے افسران، سی پی اوز/سیلرز اور سویلینز نے شرکت کی۔
ریئر ایڈمرل محمد سلیم