لاہور(نیوز رپورٹر)سکلز گالا اور ٹیلنٹ ہنٹ ایکسپو 2023 کیلئے پی آئی ٹی بی اور SkillsTodo کے درمیان مفاہمتی یادداشت طے پا گئی۔ 16‘ 17 اور 18 مارچ کو فلیٹیز ہوٹل لاہور میں منعقد ہونے والے ایکسپو میں پی آئی ٹی بی بطور سپورٹنگ پارٹنر اپنا کردار ادا کرے گا۔ ایکسپو کا مقصد تمام ڈیجیٹل تربیتی اداروں کو ایک چھت تلے جمع کرنا‘ ضروری معلومات مہیا کرنا اور نوجوانوں کو بااختیار بنانے کے ممکنہ مواقعوں بارے آگاہی فراہم کرنا ہے۔ ایم او یو پر پی آئی ٹی بی جوائنٹ ڈائریکٹر احمد اسلام اور بانی SkillsToDo عائشہ زمان نے دستخط کیے۔اس موقع پر پی آئی ٹی بی ڈی جی ای گورننس ساجد لطیف و دیگر سینئر افسران شریک ہوئے۔