لاہور(نمائندہ خصوصی)سری لنکن کرکٹ ٹیم کی حفاظت کرتے ہوئے جام شہادت نوش کرنے والوں کو بچھڑے آج چودہ سال بیت گئے۔سی ٹی او لاہور کیپٹن (ر) مستنصر فیروز نے شہید ٹریفک وارڈن تنویر اقبال کی قبر پر حاضری دی، ڈی ایس پی ہیڈکوارٹرز اخلاق احمد اور ٹریفک وارڈنز نے بھی کثیر تعداد میں شرکت کی۔کیپٹن (ر) مستنصر فیروز نے شہید کی قبر پر پھولوں کی چادر چڑھائی اور فاتحہ خوانی کی، لاہور پولیس کے چاق و چوبند دستے نے شہید کی قبر پر سلامی پیش کی۔انہوںنے کہا کہ شہید تنویر اقبال سری لنکن ٹیم کیساتھ بطور پائلٹ ڈیوٹی سرانجام دے رہا تھا۔