جامعہ اشرفیہ میں آج عمرہ زائرین کیلئے تربیتی پروگرام ہوگا
لاہور (خصوصی نامہ نگار)جامعہ اشرفیہ میں عمرہ پر جانیوالے حضرات کیلئے ماہانہ عمرہ تربیتی پروگرام آج صبح 11 بجے سے نماز ظہر تک منعقد ہوگا جس میں احرام باندھنے، طواف، سعی، حلق / قصر کے طریقے، مدینہ منورہ کے فضائل اور روضہ اقدس پرحاضری کے آداب کے حوالہ سے جامعہ اشرفیہ کے مہتمم مولانا حافظ فضل الرحیم اشرفی اور پروفیسر مولانا محمد یوسف خان سمیت دیگر علماء خطاب کریں گے ۔عمرہ تربیتی پروگرام میں خواتین کے لیے بھی باپردہ شرکت کا اہتمام ہے۔
