لاہور؍ پتوکی؍ فیروز والہ (نامہ نگاران) مقابلوں میں مبینہ طور پر 3 ڈاکو ہلاک، ایک زخمی، 3 فرار ہو گئے ۔ تفصیلات کے مطابق حاجی خادم حسین نامی شہری نے پولیس کو 15پر ڈکیتی کی واردات کی اطلاع دی کہ 8 ڈاکوؤں نے حبیب آباد سے چونیاں جاتے ہوئے موٹر سائیکل، نقدی، رقم اور موبائل چھین لیا ہے۔ تھانہ صدر پتوکی کی ایس ایچ او ملک طارق اعوان پولیس کی نفری کے ہمراہ موقع پر پہنچے اور ڈاکوئوں کا تعاقب کیا۔ دائو کے موڑ کے قریب مقابلہ میں فائرنگ سے خطرناک ڈاکواسلم ہلاک  جبکہ دوسرا ساتھی شوکت زخمی ہوگیا  پولیس نے گرفتار لیا گیا۔ اسلم ضلع وہاڑی جبکہ شوکت معہ قتل کے 28مقدمات میں مطلوب تھے۔ پولیس نے قبضہ سے چھینی گئی رقم اور اسلحہ برآمد کر لیا۔ ادھر جی ٹی روڈ کی آبادی رانا ٹاؤن کے قریب ڈاکوؤں نے موٹر سائیکل کو روک  کر لوٹنے کی کوشش کی، جس پر ڈاکوؤں اور موٹر سائیکل سواروں کے درمیان فائرنگ کا تبادلہ ہوا جس کے  نتیجے میں ڈاکو کی گولی لگنے سے اس کا اپنا ساتھی عبداللہ شدید زخمی ہو گیا۔  شہریوں نے زخمی ڈاکو کو پکڑ کر پولیس کے حوالے کر دیا۔ پولیس نے اسے طبی امداد کیلئے ہسپتال منتقل کر دیا، زخمی ڈاکو کا ساتھی فرار ہوگیا۔ روزا پولیس نے واقعہ کی رپورٹ درج کر لی۔ تھانہ صدر کے علاقہ میں ڈاکوؤں اور شہریوں کے درمیان مقابلے کے دوران ایک ڈاکو منشی مسیح ہلاک اس کے دو ساتھی فرار ہو گئے۔ پولیس کے مطابق ہلاک ہونے والے ڈاکو کے بارے میں بتایا گیا ہے کہ اس کے خلاف متعدد مقدمات درج ہیں جو مختلف تھانوں کی پولیس کو مطلوب تھا۔ پولیس ٹیم نے گجر پورہ کرول روڈ گھاٹی کے قریب چھاپہ مارا، ڈاکوؤں نے گرفتاری سے بچنے کیلئے پولیس پارٹی پر اندھا دھند فائرنگ کر دی۔ پولیس نے جوابی فائرنگ کی، ملزمان کی فائرنگ سے ان کا ساتھی ہلاک ہو گیا جبکہ پولیس اہلکار محفوظ رہے۔