لاہور(کامرس رپورٹر) ممتاز ماہرِ تعلیم پروفیسرڈاکٹر احمد بلال وقارکو دی یونیورسٹی آف چناب گجرات کا پرو ریکٹر تعینات کر دیا گیا۔ ڈاکٹر احمد بلال وقارنے جاپان سے ڈاکٹریٹ اور پوسٹ ڈاکٹریٹ کی ڈگریاںمکمل کی ہیں اور ملک کے مستند ہائیر ایجوکیشن اداروں میں نمایاں تعلیمی  اور انتظامی عہدوں پر فائز رہے ہیں۔ ڈاکٹر احمد بلال وقار متعدد انٹر نیشنل ریسرچ ایسوسی ایشنز ،سوسائیٹیز اور اداروں میں بطور ممبر کام کر رہے ہیں۔ انھوں نے میڈیکل شعبہ جات بالخصوص مالیکیولر پیتھالوجی میں بین الاقوامی سطح پر متعدد تحقیقی مقالے پیش کیے ہیں۔یونیورسٹی انتظامیہ اور تعلیمی حلقوں نے پروفیسر ڈاکٹر احمد بلال وقار کی تعیناتی کو خوش آئند قرار دیا ہے۔