گوجرانوالہ (نمائندہ خصوصی )اون کی دکان میں آگ لگنے کے باعث قیمتی دھاگہ اور سامان جل کر خاکستر ہو گیا ،فائر فائٹرز نے بھڑکتی آگ پر قابو پا لیا ، تفصیلات کے مطابق معروف بازار آرائیاں والی گلی میں واقع اون کی دکان میں اچانک آگ بھڑک اٹھی جس نے دیکھتے ہی دیکھتے پوری دکان کو اپنی لپیٹ میں لے لیا ،واقعہ کی اطلا ع ملنے پر ریسکیو کے فائر فائٹرز بھی موقع پر پہنچ گئے جنہوں نے طویل جدو جہد کے بعد بھڑکتی ہوئی آگ پر قابو پا لیا ، آگ کی وجہ سے دکان کے اندر پڑا قیمتی دھاگہ اور سامان جل کر خاکستر ہو گیا ،تاحال آگ لگنے کی وجہ  معلوم نہیں ہو سکی۔