لاہور(سپورٹس رپورٹر)پاکستان سپر لیگ 8 کے 20ویں میچ میں لاہور قلندرز کی ٹیم نے ملتان سلطانز کو جیت 21رنز سے شکست دیدی ۔قذافی سٹیڈیم میں جاری میچ میں لاہور قلندرز نے ٹاس جیت کر پہلے بیٹنگ کا فیصلہ کیا، قلندرز کی ٹیم نے 9 وکٹوںپر 180 رنز بنائے۔لاہور قلندرز کے فخر زمان کھیل کے آغاز میں ہی بغیر کھاتہ کھولے پویلین لوٹ گئے‘انہیں ثمین گل نے اسامہ میر کے ہاتھوں کیچ آئوٹ کرایا، وکٹ کیپر بیٹر سیم بلنگز نے 35 گیندوں پر 2 چھکوں اور 6 چوکوں کی مدد سے 54 رنز بنائے ۔ عبداللہ شفیق 48 رنز بنا کر آئوٹ ہوئے۔ مرزا طاہر بیگ نے 17، ڈیوڈ ویزے نے 15، سکندر رضا نے 14 جبکہ حسین طلعت اور شاہین شاہ آفریدی نے 9، 9 رنز کی اننگز کھیلی‘راشد خان‘حارث رئوف کھاتہ بھی نہ کھول سکے۔کیرن پولارڈ، عباس آفریدی، احسان اللہ اور انور علی نے دو، دو کھلاڑیوں کو آؤٹ کیا، ثمین گل ایک وکٹ حاصل کرنے میں کامیاب رہے۔ملتان سلطانزکی ٹیم 7وکٹوں پر 159رنز بناسکی ۔ شان مسعود 19‘محمد رضوان 30‘اسامہ میر 17‘رائیلی روسو12‘ڈیوڈ ملر ایک ‘کیرن پولارڈ 39‘خوش دل شاہ 10رنز بناکر آئوٹ ہوئے ۔ انور علی 17اور عباس آفریدی 4رنز پر ناٹ آئوٹ رہے ۔ راشد خان نے 3کھلاڑیوں کو آئوٹ کیا  زمان خان ‘حارث رئوف ‘سکندر رضا اور حسین طلعت نے ایک ایک وکٹ حاصل کی ۔ راشد خان کو میچ کا بہترین کھلاڑی قرار دیا گیا ۔