لاہور(سپورٹس رپورٹر)پاکستان سپر لیگ کے دوران نمائشی ویمنز میچز میں 10 غیر  ملکی کرکٹرز بھی ایکشن میں نظر آئیں گی، پی سی بی نے میچز کیلئے دو  ٹیموں کا اعلان کردیا۔ آسٹریلیا، انگلینڈ اور نیوزی لینڈ سمیت 7 ممالک کی ٹاپ کھلاڑی شامل ہیں۔نمائشی میچز کیلئے پاکستان کرکٹ بورڈ نے 18۔ 18کھلاڑیوں پر مشتمل دو ٹیمیں بھی تشکیل دیدی ہیں۔ایمازون ٹیم کی قیادت بسمہ معروف اور سپر ویمن ٹیم کی کپتانی ندا ڈار کریں گی۔ دونوں ٹیموں میں پانچ پانچ غیر ملکی کھلاڑی شامل ہیں، ہر ٹیم کو پانچ میں سے زیادہ سے زیادہ چار یا کم از کم تین غیر ملکی کھلاڑی پلیئنگ الیون میں شامل کرنا ہوں گے۔ہر ٹیم کو ایک ایک ایمرجنگ یا انڈر 19 ٹیم کی کھلاڑی کو بھی پلیئنگ الیون کا حصہ بنانا ہوگا، خواتین کرکٹ ٹیموں کے درمیان 3 نمائشی میچز 8، 10 اور  11 مارچ کو راولپنڈی میں کھیلے جائیں گے۔ پاکستان آنے والی غیر ملکی کھلاڑیوں میںآسٹریلیا کی ٹیس فلنٹوف، انگلینڈ کی مایا بوچر، ٹیمی بیمانٹ، ڈانی ویاٹ اور لارین ون فیلڈ ہل ، جنوبی افریقہ کی لاؤرا وولوارڈٹ اور آئرلینڈ کی لاؤرا ڈیلینی بھی پاکستان آئیں گی۔چماری اتاپتو، ٹامی، لارن، دانی، جہاں آرا، لیا، ٹیس، مایا بچر شامل ہیں۔