لاہور(نامہ نگار)ستوکتلہ پولیس نے کارروائی کرتے ہوئے 3 اشتہاری ملزمان کو گرفتار کر لیا ہے ۔گرفتار اشتہاری ملزمان میں زیشان، نعیم اور عمران شامل ہیں۔ اشتہاری ملزمان ڈکیتی اورچوری سمیت دیگر سنگین مقدمات میں مطلوب تھے۔علاوہ ازیں مصطفیٰ ٹاؤن پولیس  نے ڈکیتی اور اقدام قتل کے مقدمہ میں مطلوب اشتہاری ملزم شکیل کوگرفتار کر لیا ہے ۔ملزم ایک سال سے تھانہ گنگن پور قصور پولیس کو مطلوب تھا۔ ملزمان کو مزید تحقیقات کے لیے متعلقہ پولیس کے حوالے کر دیا گیاہے۔