ایران کا آواز سے 8 گنا تیز بیلسٹک میزائل کا کامیاب تجربہ
تہران(آئی این پی)ایران نے دوران سفر بحری کشتیوں کو تباہ کرنے کے لیے آواز سے 8گنا زیادہ تیز رفتار سپر سونک بیلسٹک میزائل تیار کرلیا ہے،ایران کے سرکاری میڈیا کے مطابق ایرانی چیف آف دی اسٹاف جنرل محمد باقری نے تہران میں ایک تقریب کے دوران میزائل کے کامیاب تجربے کا ذکرتے کرتے ہوئے کہا کہ ہمارا شمار ان میزائلوں کی تیاری میں پیش پیش تین ممالک میں ہو چکا ہے، اس قسم کے میزائلوں کی رفتار آواز سے 8گنا زیادہ اور مسافت 1500کلومیٹر تک ہوتی ہے۔
