سانگلہ ہل(نمائندہ خصوصی) نواحی چک نمبر 116 گھلے باجوے کا رہائشی پاک فوج کا سپاہی شہزاد منیر دوران ڈیوٹی زندگی کی بازی ہار گیا، شہزاد منیر گردوں کے مرض میں مبتلا تھا، اس کے باوجود پاک فوج میں اپنی ڈیوٹی سرانجام دیتا رہا،وہ ملتان میں تعینات تھا، شہزاد منیر شہید کے سوگواران میں بیوہ،2بیٹے اور کم سن بیٹی شامل ہے، شہزاد منیر کو چک نمبر 116 کے قبرستان میں پورے فوجی اعزاز کے ساتھ سینکڑوں افراد کی موجودگی میں سپردخاک کر دیا گیا ، نماز جنازہ میں چوہدری شاہد ورک،چوہدری شہباز باجوہ،افضال باجوہ،قاری ابرار حسین چشتی چوہدری رضا باجوہ نے شرکت کی۔