چمن/پشاور (این این آئی)چمن میں لیویز نے خفیہ اطلاعات پر کارروائی کرتے ہوئے بڑی مقدار میں گولہ اور بارود برآمد کرلیا۔حکام کے مطابق آپریشن کے دوران خودکش جیکٹ، 64 مارٹر گولے، 270 کلو گرام بارود، 140 آئی ای ڈیز اور ڈیٹونیٹرز برآمد کرلیے گئے۔دوسری جانب پشاور کے علاقے آفریدی گڑھی گلہبار میں کھیتوں سے اسلحہ برآمد کرلیا گیا۔پولیس کے مطابق اسلحہ بوری میں بند ملا ہے جس میں 9 دستی بم اور 6 اینٹی مائنز بم تھے۔پولیس کے مطابق بم ڈسپوزل یونٹ نے بموں کو ناکارہ بنا دیا ہے۔