لاہور(سپورٹس رپورٹر)انٹرنیشنل کرکٹ کونسل نمائندے نے راولپنڈی پولیس کی جانب سے گیریژن سٹی کے کرکٹ سٹیڈیم میں منعقد ہونے والے پاکستان سپر لیگ کے میچوں میں شرکت کرنے والے کرکٹرز کی حفاظت کے انتظامات کو سراہا۔ آئی سی سی عہدیدار ڈیوڈ سنیئر نے سٹی پولیس آفیسر سید خالد محمود ہمدانی سے بھی ملاقات کی اور پاکستان سپر لیگ کیلئے سکیورٹی انتظامات کا جائزہ لیا۔ سی پی او خالد محود ہمدانی نے پی ایس ایل کیلئے سکیورٹی ڈیوٹی کے جائزے کے دوران آئی سی سی کے سکیورٹی عہدیدار سے ملاقات کی۔ترجمان نے سی پی او کے حوالے سے بتایا کہ میں بین الاقوامی کھلاڑیوں کے لیے حفاظتی انتظامات دیکھ رہا ہوں اور بہت اچھا کام کرنے پر ان کی اور راولپنڈی پولیس کی تعریف کی۔