پشاور (این این آئی)پشاور پولیس نے مراعات سے متعلق معلومات حاصل کرنے کے لیے پنجاب پولیس کو خط ارسال کردیا۔میڈیا رپورٹ کے مطابق سی سی پی او پشاور کی جانب سے پنجاب پولیس کو خط لکھا گیا جس میں کہا گیا کہ پنجاب پولیس کو روزمرہ الائونس اور رسک الائونس کی تفصیلات مہیا کی جائیں۔
، پنجاب پولیس کے علاج معالجے کے  ایس او پیز  اور  تعلیمی اخراجات پالیسی کی  تفصیلات  بھی دی جائیں۔خط کے مطابق آئی جی خیبر پختونخوا کو  2 ہفتے قبل پولیس دربار میں پنجاب پولیس کے الائونسز سے متعلق بتایا گیا تھا، آئی جی خیبرپختونخوا پولیس کو پنجاب پولیس کے برابر مراعات دینا چاہتے ہیں۔ خط میں پنجاب پولیس کے سروس اسٹرکچر، الائونسز  اور دیگر مراعات سے متعلق بھی معلومات مانگی گئی ہیں۔