لاہور(سپورٹس رپورٹر)پی ایس ایل کی ٹیم کوئٹہ گلیڈی ایٹرز کے کپتان سرفراز احمد پشاور زلمی کیخلاف ہونے والے میچ میں شرکت نہیں کرسکیں گے۔ٹیم مینجمنٹ کے مطابق کپتان سرفراز احمد کراچی کنگز کیخلاف گیند لگنے سے زخمی ہوگئے تھے، ان کی انگلی میں شدید درد ہے جس کی وجہ سے وہ گزشتہ روز کے میچ میں شرکت نہیںکر سکے۔سرفراز احمد کی عدم موجودگی میں محمد نواز نے ٹیم کی قیادت کی۔ کوئٹہ گلیڈی ایٹرز نے کوئٹہ سے تعلق رکھنے والے وکٹ کیپر بیٹسمین بسم اللہ خان کو سکواڈ میں شامل کیا ہے جس کے بعد بسم اللہ خان نے اسلام آباد میں ٹیم کو جوائن کر لیا ہے۔